ConexiONEs Zaragoza: networking-a ekitaldia baino lehen hasten da eta askoz geroago amaitzen da

Hauek izan ziren ConexiONEs Zaragozan jorratutako gaietako batzuk; jardunaldi hori networking-a hazkunde profesionalerako eta enpresarialerako tresna bihurtzen nola egin aztertzera bideratu zen.

Jarraian, jardunaldian partekatutako ideia eta ikaskuntza nagusietako batzuk errepasatuko ditugu.

Ekitaldietara joatea nola prestatu, kontaktuak eta aukerak sortzeko

Jardunaldiaren lehen zatian Claudia Da Cunha-k, KM ZERO Food Innovation Hub-eko koordinatzaileak, emandako hitzaldia izan zen ardatz; ekitaldi profesionaletan parte-hartzea modu estrategikoan nola prestatu zuen hizpide. 

Saioan zehar, topaketaren hari gidari izan zen ideia bat partekatu zen: networking-a ez da berez helburu bat, baizik eta helburu zehatzak lortzeko tresna. Edozein ekitalditara joan aurretik, galdera hauek egitea beharrezkoa da: zer lortu nahi den, norekin konektatzea interesatzen den eta parte-hartze horren ondoren zer gertatu beharko litzatekeen. 

Halaber, ekitaldira nor joango den aldez aurretik ikertzearen eta kontaktu garrantzitsuenak aurretik prestatutzearen garrantzia azpimarratu zen. Jardunaldian adierazi zen bezala, askotan eraginkorragoa izaten da aldez aurretik benetan konektatu nahi den pertsona gutxi batzuk identifikatzea, mundu guztiarekin bereizketarik gabe hitz egiten saiatzea baino. 

Saioak, gainera, ekitaldietara asmo eta helburuarekin joateko beharra azpimarratu zuen. Bertaratutakoei partekatu zitzaien bezala, "ez joan ekitaldi batera egotearren. Joan zerbait lortzera", gogoraraziz bertaratzea proiektu bakoitzaren hazkunde-, ikusgarritasun-, ikaskuntza- edo negozio-sorkuntza helburuekin lerrokatu behar dela.  

Networking-a, aukerak sortzen dituena

Jardunaldiaren bigarren zatian María José Galardón, Alberto García eta Francisco Calderón Reyes bildu ziren "Networking-a, aukerak sortzen dituena" mahai-inguruan; Luis Martín Nuez izan zen moderatzailea. Eztabaidak harreman profesionalak nola eraiki jorratu zuen, kontaktuen truke puntual hutsetik harago joanez. 

Elkarrizketan partekatutako ikaskuntzen artean, kantitatearen aurrean kalitatea lehenestearen garrantzia nabarmendu zen. Kontaktuak biltzea gero eta errazagoa den testuinguru batean, benetako erronka da besteek nor zaren eta zein balio ekar dezakezun gogoratzea. Mahai-inguruan adierazi zen bezala, kontaktua merketu da, baina harremanak izaten jarraitzen du bereizgarri. 

Parte-hartzaileek lehen elkarrizketa bat gogoangarri egiten duenari buruz ere hausnartu zuten. Partekatutako gomendioen artean azpimarratu zen beste pertsonarekiko benetako interesa erakustea, modu aktiboan entzutea eta xehetasun txikiei erreparatzea funtsezkoa izan daitekeela; horrek markatu dezake alde bat konekzio iragankor baten eta etorkizuna duen harreman profesional baten artean. 

Jardunaldian behin eta berriz agertu zen beste mezuetako bat izan zen topaketetara helburu argi batekin eta kontaktu estrategikoen aurretiazko hautaketa batekin joateko beharra. Hitz egin nahi den pertsonen zerrenda txiki bat prestatzeak eta topaketa horiek aktiboki bilatzeak, normalean, emaitza hobeak ematen ditu zoriaren esku uztea baino. 

Gogoangarriak izan gaitezen, onerako

Jardunaldiak aurrera jarraitu zuen Kelly Vasquez-ek gidatutako tailer praktiko batekin, ingurune profesionaletan segurtasunez eta konfiantzaz komunikatzeko gaitasuna indartzera bideratua. Helburua zen bertaratutakoei laguntzea beren proiektuak aurkezteko modua hobetzen, elkarrizketa garrantzitsuei aurre egiten eta ideiak modu argi eta gogoangarrian transmititzen. 

Saio