MWC Barcelona 2026

O MWC Barcelona consolídase como un dos principais puntos de encontro a nivel internacional para empresas, profesionais e organizacións vinculadas ao ecosistema da conectividade.

Este ano o MWC celebra a súa 20ª edición na fira de Barcelona e reunirá a operadores/as de redes móbiles, fabricantes de dispositivos intelixentes, provedores de servizos na nube, hiperescaladores, empresas tecnolóxicas e axentes innovadores de todo o mundo.

O MWC Barcelona 2026 articulará os seus contidos en seis grandes temáticas: AI 4 Enterprise, centrada en como a intelixencia artificial impulsa a produtividade e a eficiencia en empresas e sectores crave; AI Nexus, que aborda a converxencia da IA máis avanzada con cuestións de ética, regulación e experiencias hiperpersonalizadas; ConnectAI, enfocada na transformación das redes mediante IA, edge computing e automatización; Intelligent Infrastructure, que explora a evolución da infraestrutura dixital con 5G/5G-Advanced, redes privadas, cloud e satélites; Tech4All, que impulsa a inclusión, a accesibilidade e a dixitalización global para reducir brechas; e Game Changers, dedicada ás tecnoloxías disruptivas que marcarán o futuro, desde redes espaciais ata sistemas autónomos e novas interfaces.

O MWC Barcelona mantén unha traxectoria de crecemento continuo. A edición de 2025 rexistrou cifras récord con 109.000 persoas asistentes procedentes de 205 países, máis de 2.900 empresas expositoras, patrocinadoras e colaboracións de socios/as e a participación de máis de 1.200 relatores internacionais, consolidando a súa posición como un dos maiores eventos tecnolóxicos do mundo.