Startup Olé Marbella 2026

A terceira edición de Startup OLÉ Marbella 2026 reforza a presenza deste encontro tecnolóxico na Costa do Sol, consolidando o seu papel como un dos espazos de conexión máis relevantes entre startups, axentes investidores e corporacións no ecosistema europeo e iberoamericano. Tras o éxito das súas edicións anteriores, o evento regresa a Marbella co obxectivo de seguir fomentando a innovación, a cooperación internacional e o crecemento do tecido emprendedor.

Durante dúas xornadas, o evento reunirá startups, scaleups, persoas investidoras, corporacións, institucións públicas, universidades, hubs de innovación e medios especializados, xerando unha contorna orientada a facilitar o desenvolvemento de alianzas estratéxicas, impulsar novos proxectos e favorecer a internacionalización de solucións tecnolóxicas.

O programa incluirá conferencias, mesas redondas e foros sectoriais, onde profesionais do ámbito tecnolóxico e empresarial compartirán experiencias, tendencias e boas prácticas relacionadas co emprendemento, a innovación e o crecemento de empresas emerxentes. Así mesmo, habilitaranse espazos de networking e reunións bilaterais que permitirán ás persoas participantes ampliar a súa rede de contactos e explorar oportunidades de colaboración.

As startups terán acceso a actividades clave do evento como o matchmaking one-to-one, un espazo deseñado para facilitar reunións entre equipos emprendedores, investidores e corporacións interesadas en identificar proxectos con potencial de desenvolvemento. Ademais, o Pitch Competition ofrecerá ás startups seleccionadas a oportunidade de presentar as súas solucións ante fondos de investimento e axentes do ecosistema innovador.

A edición anterior reforzou a relevancia internacional do encontro ao reunir máis de 1.100 asistentes e arredor de 285 relatoras e relatores, ademais da participación aproximada de 100 startups e preto de 50 fondos de investimento e axentes investidores.