STARTUP OLÉ SALAMANCA 2026

Startup OLÉ consolidouse como un dos encontros máis destacados do emprendemento tecnolóxico en Europa e Latinoamérica, reunindo a milleiros de persoas do ecosistema innovador: startups, scaleups, persoas investidoras, corporacións, institucións públicas e comunidade universitaria. Salamanca convértese así, en cada edición, nun polo estratéxico para o desenvolvemento de proxectos tecnolóxicos de alto impacto.

O evento ofrece moito máis que un programa de poñencias e mesas redondas. Startup OLÉ facilita espazos de interacción directa, incluíndo reunións one-to-one con persoas investidoras, sesións de matchmaking, áreas de networking e unha competición de pitch onde os proxectos poden presentar as súas solucións ante fondos nacionais e internacionais.

A súa dimensión global reforzase a través do Latam Roadshow, unha iniciativa que amplía o alcance do evento a distintos países do continente americano, creando pontes entre os ecosistemas emprendedores de Europa e Latinoamérica e expandindo as oportunidades de colaboración internacional.

Startup OLÉ atrae cada ano perfís moi diversos: desde persoas fundadoras de startups ou equipos técnicos que buscan financiamento, ata estudantes universitarios, persoas voluntarias, axentes investidores e profesionais que desexan coñecer novas tendencias ou ampliar a súa rede de contactos nun entorno dinámico e accesible.