Transfiere 2025

Na súa décimo cuarta edición, Transfiere 2025 celebrarase no Palacio de Feiras e Congresos de Málaga (FYCMA). O foro reunirá a profesionais de diversos sectores para compartir coñecementos científicos e tecnolóxicos, fomentar a innovación e establecer vínculos entre a ciencia e o mundo empresarial.

O programa incluirá paneis temáticos e conferencias que abordarán áreas como networking, transferencia, investimento, innovación aberta, emprendemento, internacionalización e financiamento. Durante o evento, as persoas participantes, así como as entidades públicas e privadas representadas, poderán explorar as seguintes temáticas:

• Internacionalización para impulsar a proxección internacional do sistema español de innovación e atraer investimento estranxeiro.
• Ámbito académico coa participación de universidades, spin-offs e grupos de investigación transferindo resultados ao tecido empresarial.
• Ecosistema nacional de innovación con reunións de políticas territoriais de innovación, facilitando a colaboración entre comunidades autónomas e iniciativas privadas.
• Colaboración privada-pública para fomentar o investimento privado en I+D+i.
• Oportunidades de negocio para axentes investidores, onde a innovación aberta é un tema central, fomentando a colaboración público-privada e o acceso a proxectos en etapas temperás.
• Compromiso co talento e o emprendemento, ofrecendo oportunidades de emprego, colaboración e financiamento, destacándose como un hub de innovación en Málaga.

Entre as novidades desta edición, destaca a participación de Reino Unido como país invitado, así como a Universidade de Bolonia, o que reforza a proxección internacional do evento.

Na súa última edición, Transfiere contou con máis de 4.500 visitantes profesionais do ecosistema i+d+i, 600 empresas e entidades, 440 persoas expertas do sector e 40 axentes investidores coñecendo de primeira man proxectos innovadores.