VivaTech 2024

VivaTech reúne a startups, empresas tecnolóxicas, investidores e líderes da industria para discutir e mostrar as últimas tendencias e avances en innovación e tecnoloxía. Ademais das conferencias e exposicións, VivaTech tamén ofrece oportunidades de networking e colaboración entre os participantes.

Para a oitava edición de VivaTech, os principais bloques temáticos son a intelixencia artificial (IA), onde se mostrarán as innovacións máis relevantes aplicados a distintos sectores económicos e, doutra banda, organizaranse conferencias sobre os principais desafíos sociais da IA. O segundo dos bloques correspóndese coa tecnoloxía sostible como elemento indispensable para fomentar a innovación fronte ao cambio climático e, por último a mobilidade, onde se darán a coñecer importantes fitos sobre automóbiles eléctricos, innovacións en mobilidade aérea e visións aeroportuarias futuristas, entre outros.

A edición de 2023 estivo marcada polo discurso inaugural de Emmanuel Macron (Presidente da República Francesa) e contou coa participación de máis de 150.000 asistentes de 174 países diferentes, 2.800 expositores, 11.400 startups e 450 conferenciantes, entre os que destaca a presentación de figuras de recoñecemento mundial como son Elon Musk (CEO – Tesla, SpaceX), Marc Benioff (Chair, CEO & Co-Founder – Salesforce), Yann LeCun (Chief AI Scientist – Meta&NYU), Bernard Arnault (Chairman & Chief Executive Officer – LVMH), entre outros.