The Way Startup Summit 2026

The Way Startup Summit 2026 celebra a súa decimoquinta edición no Palacio da Oliva (Vigo), consolidándose como un dos encontros clave do ecosistema emprendedor no sur de Europa. Nun momento marcado pola disrupción global, The Way Startup Summit aposta por reforzar o tecido emprendedor como motor de cambio, competitividade e transformación económica, tecnolóxica e social.

O evento reunirá nun mesmo espazo startups, persoas emprendedoras, investidoras, corporacións, aceleradoras, universidades e administracións públicas comprometidas coa innovación. 

O 6 de maio celebrarase o Investors Tour, unha actividade exclusiva para persoas investidoras que permitirá visitar e conectar con algúns dos principais axentes do ecosistema galego de emprendemento, innovación e investimento. Esta xornada previa ofrecerá unha visión directa do potencial de Galicia como territorio innovador.

Os días 7 e 8 de maio desenvolveranse as xornadas centrais do congreso, con relatorios de primeiro nivel, mesas redondas, workshops e sesións de pitch de startups. 

A sala de Innovación abordará os retos e oportunidades de sectores clave como fintech, mobilidade, saúde, turismo, deporte, alimentación ou sustentabilidade. A sala de Emprendemento acollerá sesións formativas, casos de éxito, workshops, espazos de ecosistema e actividades orientadas ao desenvolvemento e escalado de proxectos. Pola súa banda, a sala de Investimento concentrará mesas redondas, encontros con fondos de investimento, family offices e business angels, así como sesións de pitch e reunións privadas orientadas á conexión entre startups e persoas investidoras.

Así mesmo, Venture on the Road by @seedrocketangels fará parada en The Way Startup Summit 2026, incorporando ao evento un dos roadshows de referencia para startups en fase seed. Esta iniciativa permitirá conectar talento emprendedor con persoas investidoras e expertas do ecosistema, ofrecendo unha oportunidade única para presentar proxectos, gañar visibilidade e acelerar o seu crecemento.

Durante as xornadas do congreso contarase coa participación de máis de 100 speakers, celebraranse máis de 50 sesións de pitch das startups máis destacadas do ecosistema e reunirase máis de 100 persoas investidoras, entre fondos de venture capital, business angels e family offices. O evento congregará ademais máis de 300 corporacións e máis de 2.400 asistentes.

A edición de 2025 reuniu máis de 1.000 asistentes presenciais e en liña, 50 startups e 150 persoas investidoras.