Axudas ás persoas emprendedoras e ás empresas con actividade nas Illas Baleares para cubrir as comisións de apertura, para os anos 2024 e 2025.

A Conselleria d’Economia, Hisenda i Innovació do Govern de les Illes Balears puxo en marcha a convocatoria de axudas ás persoas emprendedoras e ás empresas con actividade nas Illas Baleares para cubrir as comisións de apertura, para os anos 2024 e 2025. O obxectivo é facilitar o acceso ao financiamento e reducir os custos financeiros derivados de operacións avaladas por sociedades de garantía recíproca.

Estas axudas están dirixidas principalmente a pemes —incluídas microempresas, pequenas e medianas empresas—, así como a determinadas grandes empresas elixibles (aquelas con ata 499 persoas traballadoras e que formalizasen operacións financeiras para proxectos de investimento produtivo, sempre que se realicen en centros situados nas Illas Baleares).

Subvenciónanse os custos financeiros de operacións destinadas a cubrir necesidades de liquidez, investimentos produtivos, innovación e arrendamento financeiro (leasing).

As operacións deben formalizarse entre o 1 de decembro de 2023 e o 30 de novembro de 2025.

A convocatoria contempla tres tipos de axudas:

• Comisións de apertura e estudo: ata o 0,75 % do importe nominal da operación.
• Custo do aval: ata o 100 % durante os primeiros anos, con límites porcentuais segundo o tipo de operación.
• Xuros: bonificación de ata 3 puntos porcentuais do tipo de xuro, con duración variable segundo a finalidade.

A convocatoria incorpora a perspectiva de xénero e presta especial atención ás mulleres empresarias. Define a categoría “peme muller empresaria” e, no caso de investimentos produtivos, establece condicións máis favorables nas comisións de apertura e de estudo (+0,75 % do nominal da operación fronte ao 0,50 % para o resto de pemes).
Ademais, permítese o pagamento anticipado do 100 % do importe subvencionado sen necesidade de garantías, e prevese a cofinanciación con fondos FEDER en determinadas modalidades.

A xestión das axudas realízase en colaboración con ISBA, SGR, entidade encargada de tramitar, aboar e verificar a correcta aplicación dos fondos. A convocatoria conta cun orzamento total de máis de 18 millóns de euros, distribuído entre fondos autonómicos e europeos.