EIC Fund

EIC Fund é o brazo de investimento de risco do Consello Europeo de Innovación (EIC), creado para acelerar o crecemento de empresas tecnolóxicas innovadoras en Europa. Cun orzamento de máis de 3.500 millóns de euros, o fondo apoia a startups, pemes e empresas emerxentes en sectores crave como a intelixencia artificial (IA), biotecnoloxía, enerxía limpa e deep tech, entre outras, de mediana capitalización que se financian no marco do EIC Accelerator. EIC Fund ofrece financiamento en dúas modalidades: capital de risco (equity financing) e subvencións (grant funding), adaptándose ás necesidades das empresas en diferentes fases do seu desenvolvemento, desde a súa etapa inicial ata a súa expansión internacional. Ademais, proporciona acompañamento estratéxico, acceso a unha rede internacional de persoas investidoras e expertas, e apoio para a internacionalización das empresas beneficiarias.

EIC Fund está deseñado para cubrir a brecha de financiamento das startups tecnolóxicas con alto potencial de innovación pero que presentan riscos elevados para os investidores públicos e privados. Co seu capital a longo prazo, o fondo minimiza estes riscos, impulsando proxectos disruptivos que poderían converterse en futuros unicornios europeos.

O proceso de investimento inclúe unha avaliación exhaustiva por parte de persoas expertas externas, seguido dunha dilixencia debida supervisada polo Comité de Investimentos do EIC Fund e unha decisión final por parte da Xunta do Fondo. Esta rigorosa metodoloxía, garante que só as empresas máis prometedoras reciban apoio financeiro.

En resumo, EIC Fund é unha ferramenta clave para fortalecer a posición de Europa na innovación tecnolóxica de vangarda, xerando un fluxo continuo de startups co potencial de cambiar industrias e mercados a nivel global.