ConversaciONEs: o impacto dos influencers nas startups

Durante anos vimos como streamers, deportistas e creadores con millóns de seguidores lanzan ou impulsan proxectos emprendedores. Algúns foron grandes éxitos, outros auténticos fracasos. Pero que funciona realmente e que é só márketing?

Para responder a esta pregunta reunimos catro perfís con experiencias moi diferentes —e complementarias— nunha conversa directa, honesta e sen filtros:

• Juanlu Cruz, CEO de Inversiva, startup respaldada por referentes do mundo gaming como Spicy4Tuna e Willyrex.
• Irene Hurtado, PM en Gravity Wave, proxecto con impacto medioambiental e o apoio de grandes referentes do deporte.
• Gloria Gubianas, fundadora de Hemper, unha marca fortemente asociada a valores e cunha gran exposición mediática nos seus inicios.
• Silvia Echevarría, PM en Valhalla, que achega a visión estratéxica desde unha consultora especializada en innovación e startups.

Ao longo do episodio, as persoas participantes presentan os seus proxectos, comparten erros e acertos ao traballar con referentes, desmontan mitos habituais sobre alcance e conversión e enfróntanse a escenarios límite nos que deben tomar decisións difíciles sobre reputación, equity e estratexia de márketing.

O programa culmina cunha pregunta decisiva que obriga a posicionarse sen matices: que pesa máis á hora de investir, un gran produto sen referentes ou un proxecto medio impulsado por unha gran figura mediática?

Este episodio demostra que os influencers poden ser potentes catalizadores de visibilidade, pero nunca substitúen o produto, o equipo nin a execución. O referente pode abrir a porta, pero quen debe entrar e quedar é o valor real do proxecto.

Dálle ao play e descubre que hai realmente detrás do hype dos influencers no emprendemento!