Mariola Montoya, Senior PR Specialist en The Square

Mariola Montoya, é unha xornalista especializada en PR que traballa na axencia ibérica de comunicación The Square. Nesta entrevista, ofrécenos valiosos consellos para potenciar a comunicación nas startups. 

Ter unha gran idea non basta para as startups; deben comunicala de forma que capte a atención do seu público obxectivo. Segundo o ‘I Estudo sobre os retos na comunicación dunha startup’ realizado por Bambú PR (2020), un 65% das persoas fundadoras de startups e directivas españolas, sinalan que o negocio fracasa en moitas ocasións porque non se efectuou unha comunicación acorde ás súas necesidades. Ademais, o 73% das persoas enquisadas considera a comunicación un elemento vital para arrincar nas primeiras etapas dunha startup, cando o produto xa saíu ao mercado e vai xurdindo unha masa importante de clientes. 

Nesta entrevista, Mariola Montoya compártenos a súa visión sobre a importancia de adaptar a mensaxe en función do contexto e o público, sen alterar a esencia da empresa. Tamén nos explica como medir a efectividade da comunicación a longo prazo e a necesidade de construír unha reputación sólida. Ademais, abordamos temas como a claridade na mensaxe, a diferenciación no ecosistema emprendedor e os desafíos de comunicar proxectos con alta complexidade técnica.

Non te perdas a entrevista completa ao final da páxina e descobre como a comunicación efectiva pode transformar o éxito dunha startup!