Programa Reto Mulleres Rurais

O obxectivo xeral do programa é dinamizar a rede empresarial feminina no rural para superar a brecha de xénero no emprego e emprendemento.

O Programa estrutúrase en catro eixos, que a súa vez engloban as actividades do programa, sendo estes:

• Apoio e asesoramento aos emprendedores do mundo rural. Consiste en acompañar aos emprendedores rurais no proceso de creación e mellora dos seus negocios, dende a definición da idea ata o desenvolvemento do modelo de negocio e a avaliación da súa viabilidade.
• Fomento de proxectos de emprendemento a través da difusión, visibilidade e recoñecemento. Difusión das iniciativas emprendedoras dos participantes, sendo tamén un punto de encontro para elas e para as empresarias do rural, onde consultar recursos para emprendemento, normativa, etc.
• Creación de redes de emprendedores no rural. A través de sesións grupais ou encontros temáticos ou sectoriais foméntase o intercambio de experiencias, o aproveitamento de sinerxías e a creación dun espazo de análise e xeración de coñecemento entre os participantes.
• Formación específica sobre emprendemento no mundo rural. O Programa ofrece, sen custo económico para os participantes, cursos de formación sobre desenvolvemento de modelos e plans de negocio, marketing e comunicación dixital, complementados con asesoramento individual e sesións de apoio grupal.